س: ما هى النصيحة التى تقدمها لأولادك بمناسبة العام الدراسى غير المذاكرة الجيدة ؟

ج: هو طبعاً أهم حاجة أقدمها لهم هو إنـهم يذاكروا كويس. لأن الإنسان اللى يذاكر من أول السنة ما يتعبش فى آخر السنة وما تتراكمش عليه الدروس ويمشى منتظم. النصيحة التانية اللى أقدمها لهم تنظيم الوقت. إزاى يرتب وقته من حيث حياته الروحية جوه البيت وبره البيت. من حيث مذاكرته ومدرسته. من حيث خدمته واجتماعاته الروحية وأنشطته المختلفة. يحتاج الإنسان إلى تنظيم الوقت بشكل كبير فى بداية العام الدراسى علشان ما يرتبكش. كمان فى نفس الموضوع إنه يبعد عن الوقت الضائع. كتير من الطلبة بيروح أجزاء من وقتهم بالنسبة لزمايلهم وأصحابـهم والدردشة والكلام والزيارات اللى بتضيّع الوقت واللى ما فيش فايدة منها وتعطيل.. إلى آخره. ففى أول السنة برضه خلّى بالكم من هذا الموضوع تنظيم الوقت مقاومة الوقت الضائع الإهتمام بالمذاكرة، التوفيق بين المسؤليات المختلفة روحية واجتماعية ودراسية إلى آخر هذا كله. والإنسان فى أول السنة الدراسية لازم يتذكر إنه تلميذ. فيه ناس بينسوا إنـهم تلامذة يفكّر أى حاجة. ياريت ما تعتمدوش بس على المذكّرات أو على الكتب. الواحد يكون مستواه أعلى من مستوى المحاضرة. يبقى لو نسى حاجات كتيرة يبقى أقل ما يبقى عنده هو هذه المحاضرة. وربنا يكون معاكم فى الدراسة بتاعتكم ويطمنا عليكم (هوذا أنا عتيد أن أقف أمام الديان العادل 29/09/1978).

 

لقاء البابا شنوده لطلبة الثانوية العامة (أ) 03.06.2002

لقاء البابا شنوده لطلبة الثانوية العامة (ب) 03.06.2002