لما ألقيت محاضرة عن الكنيسة القبطية. قلت لهم أول حاجة نتكلم عن الكنيسة القبطية نتكلم علي الهريتج بتاعتها عن الميراث اللي ورثته. ورثته من مين ؟  من مصر. ومصر دي بلد حضارة تباعت أكثر من 4 آلاف سنة قبل الميلاد. ها أجيب لكم بعض أمثلة من الأمثلة اللي قيلت:

+ قلت لهم مصر دي ـ إن كانت أثينا اشتهرت بالفلسفة في بلاد اليونان ـ فمصر اشتهرت بالعلم. العلم يعني إيه ؟ يعني هما اللي عرفوا التحنيط، ما دام عرفوا التحنيط يبقوا عرفوا الكيميا والصيدلة واستخدام الأموات. وقلت لهم بصراحة كلمة الكيميا دي كلمة مصرية أو هي اسم مصر لأن مصر بالقبطي اسمها كيمي Khimi ومن كيمي أُخِذت (كمستري). إحنا اللي ابتدعنا الكيميا. ها يجيبوها منين ؟! وبالهيروغليفي كيمي الأورجين بتاعها كيمت، فإحنا بتوع الكيميا.

+ وبتوع الطب، جات منين الطب ديا ؟ كلمة طبيب باللغة القبطية يعني سيني … سيني يعني طبيب. لما إحنا بنصلّي بنقول أيها الطبيب الحقيقي الذي لأنفسنا وأجسادنا بنقول … فسيني يعني طبيب، المصدر من سيني (مد سيني) فجات مد سين من الكلمة دي. وإلا جبتوها منين ؟! احنا اللي ابتدعنا الطب (تعليق قداسة البابا على الرحلة إلى أمريكا 13/12/1989).