س: واحدة بتسأل هل إن ما كنتش بأشتغل فى الشغل هل ممكن أذهب لمشاوير معينة أم لابد يكون الوقت مخصص للشغل ؟

ج: إذا كان فى الشغل لازم تقعدى ولو فاضيه. طب افرض رحتى مشوار وجه رئيسك ولقيكى غايبه ورفدك ولا حط نقطة سودا فى … فى الملف بتاعك … يعنى مش كويس مفروض تكونى مثالية. إن ما كانش عندك شغل أشتغلى فى أى حاجة. أو أشتغلى ببطء … ببطء كدا … يعنى ما عندكيش غير ملفين … بـهداوة وإتقان لغاية ما تخلصيه (أنت تسأل وقداسة البابا يجيب ج4 19، 26/03/1986).