حرصاً على سلامة الألحان
حرصاً على سلامة الألحان، وتوحيداّ لها فى جميع الكنائس، وفى جميع الإيبارشيات، وخوفاً من أن يقوم البعض بتسجيل ألحان حسب استلامه الخاص، وقد ينتشر ذلك بالتداول، بينما يقوم البعض بتسجيل نفس الألحان بطريقة أخرى، لذلك: حفاظاً للتراث الكنسى، أصدر قسم الألحان بمعهد الدراسات القبطية مجموعة من الكاسيتات، من أصول ترجع إلى المعلم ميخائيل جرجس. وهى:
- القداس الباسيلى (6 أشرطة)
- القداس الغريغورى (3 أشرطة)
- طقس البصخة كاملة بألحانـها وقطعها وعظاتـها (7 أشرطة)
- تسبحة عشية ونصف الليل، سنوى وصيامى (6 أشرطة)
- طقس عيد الميلاد المجيد (3 أشرطة)
- طقس عيد القيامة المجيد (3 أشرطة)
- طقس الإكليل المقدس (3 أشرطة)
- طقس تمجيد السيدة العذراء (شريطان)
- ألحان البطاركة (شريطان)
- 10. موسيقى قبطية كلاسيكية، ألفها الفنان العالمى بيولاند سميث مستوحاة من الألحان القبطية. يمكن طلب الأشرطة من قسم الألحان بمعهد الدراسات القبطية بدير الأنبا رويس (ت. 2825374 – 2825375).
مجلة الكرازة الجمعة 28 سبتمبر 1990 العددان 33، 34
ج: الألحان كانت موجودة من زمن قديم جداً فاستعمال الموسيقى فى الأمور الدينية كانت موجودة. يعنى ناس كتير كانوا بيصلّوا بطريقة ملحّنة من زمان. فى قصة العبور مريم أخت هارون وموسى أخدت الدف فى أيديها وكانت بترقص وتغنى وتقول الخيل وركاب الخيل طرحهم فى البحر الأحمر.
داود النبى كان بيقول بألحان بيقال أن كان ليه فرقة كبيرة جداً من عدد كبير من الموسيقيين بيصاحبوه فى بعض مزاميره وصلواته. وأحياناً هو كان بيقول مزاميره وصلواته على العود وهو بيضرب على العود أو على الناى وهو بيشتغل على الناى أو على العشرة الأوتار.
فالموسيقى الدينية موجودة من زمان … الموسيقى الدينية موجودة من زمان. ليس فقط عند المؤمنين اللى بيعبدوا ربنا مظبوط، بل حتى وسط الأمم أيضاً كان ليهم موسيقى.
الموسيقى بتاعتنا أصلها فرعونى وبخاصة الموسيقى الجنائزية. فيه ألحان كتيرة فرعونية. وبعدين الموسيقى برضه تأثرت، يعنى موسيقى الكنيسة تأثرت فى بعض أوقاتـها بالناحية اليونانية وعندنا ألحان كتيرة فى الكنيسة … يونانية من أولها لآخرها نفس الكلام واللفظ يونانى. زى إى أغابى تو ثيؤو كى باترو … يونانى من أولها. ذوكسا باترى كى إيو كى أجيوا بنفماتى … كلها يونانى. لكن فيه عندنا فى الألحان بعضها يونانى بعضها فرعونى وبعضها دمج من هذا وذاك وكل كنيسة لها ألحانـها … كل كنيسة لها ألحانـها، يعنى الأرمن ليهم ألحان مميزة، الأثيوبيين ليهم ألحان مميزة، السريان ليهم ألحان مميزة، اليونان ليهم ألحان مميزة. كل شعب ألحانه تأثرت بالجو الذى عاش فيه (الله والإنسان ج2 08/05/1996).
هل الألحان الكنسية وألحان التسبحة مقدسة ؟
س: هل الألحان الكنسية وألحان التسبحة مقدّسة أى موضوعة من الروح القدس ؟ ولماذا نتمسك بيها ؟
ج: وضعها آباء قديسون متفرغون وأخذوها من أصول قديمة وتتميز بالقدسية. ولو كان ما نتمسكش بيها يبقى ليس لنا تراث وكل يوم والتانى نعمل ألحان وتبقى كنيسة بلا تاريخ وبلا تراث. دا الناس من برة بييجوا يدرسوا الألحان أبتاعتنا ويشوفوا إيه العظمة الموسيقية التى فيها. يعنى كقطع موسيقية قطع رائعة فنية، وكنواحى روحية تتميز بالقدسية فى التأثير.
أما لماذا نتمسك بـها إنت عايز نعيش بلا تقليد وبلا تراث وكل يوم والتانى يكون لينا ألحان ؟! الترانيم أديكوا شايفين كل يوم بتبقى … ترانيم، فعايزين الألحان الكنسية تخش فى هذا الضياع أيضاً. دا أنا أفتكر مرة الكنائس فى المانيا مش الكنائس الأرثوذكسية الكنائس البروتستانتية والأسقفية والأنجيليكية والحاجات دى طلبوا إن الخورس بتاعنا يروح لهم هناك يستمتعوا ويستمعوا إلى بعض من الألحان، وراحت الفرقة هناك وقضّت فترة وسجلوا لهم وكانت حاجة عظيمة … الألحان القبطية. وأنا فى الرحلة اللى ها أروحها لألمانيا مش بس ها آخد معايا مجموعة من الآباء الأساقفة ها خد معايا برضه المعلّم ابراهيم عياد هناك علشان ألحانه فى ألمانيا (الفهم فى القداسات 31/10/1990).
العذراء فى التسبحة
س: واحد بيقول ما معنى أن أحنا بنقول فى التسبحة عن العذراء أنـها صديقة سليمان ؟
ج: لعل المقصود فى التسبحة إنها عذراء النشيد اللى تكلم عنها سليمان فبتشبه بالسيدة العذراء إن عذراء النشيد اللى موجودة فى سفر النشيد أحياناً ترمز للكنيسة وفى بعض حاجات بترمز إلى السيدة العذراء فقالوا صديقة سليمان يعنى العذراء بتاعت النشيد اللى فى سليمان.
ودى تجدوها فى بعض المزامير أيضاً زى مثلاً المزمور اللى بيقول اسمعى يا ابنتى انصتى وأميلى سمعك وانسى شعبك وبيت ابيك فإن الرب قد اشتهى حسنك لأنه ربك وله تسجدين دا المزمور ممكن يؤخذ على الكنيسة وممكن يؤخذ على السيدة العذراء. وممكن بالمفهوم الروحى العادى يؤخذ على أى نفس تكون عذراء للمسيح فبيقتدوا به (البابا شنوده الثالث. محاضرة مقاومة خطية الغضب 22/01/1986).
هوس
كلمة قبطية معناها تسبحة أو تسبيح وفى تسبحة الكنيسة القبطية هناك أربعة هوسات لا تتغير طريقة أدائها بتغير المناسبة، والحقيقة أن غالبية التسبحة مأخوذ نصوصها من الكتاب المقدس، وذلك مثل:
الهوس الأول هو الأصحاح 15 من سفر الخروج.
والهوس الثانى هو المزمور 136.
والهوس الثالث هو جزء من سفر تتمة دانيال.
والهوس الرابع هو المزمور 148، المزمور 149، المزمور 150.
(كتاب ألحان التسبحة: الجزء الأول (مكتوب بالهزات) إعداد إبيدياكون/ أسامة لطفى. تقديم نيافة الأنبا بنيامين أسقف كرسى المنوفية)
طقس الميلاد ج3 المعلم ابراهيم عياد
طقس أسبوع الآلام للمعلم ابراهيم عياد. الشريط الثانى
Maker of History 