الآباء الأساقفة بمصر والخارج بترتيب تاريخ السيامة

1. الأنبا ميخائيل مطران أسيوط: السيامة بيد الأنبا يوساب 25/08/1946 م. رقد فى الرب يوم 23/11/2014 م.

1. الأنبا باسيليوس مطران القدس: السيامة فى شهر يونيو 1959 م.
2. الانبا إيساك (البحيرة والغربية): السيامة فى 13/09/1959 م. رقد فى الرب عام 1986 م.
3. الأنبا توماس (أم درمان): السيامة 20/09/1959 م. رقد فى الرب يوم 08/08/1963 م.
4. الأنبا مينا أسقف جرجا: السيامة بيد البابا كيرلس السادس 07/08/1960 م. رقد فى الرب يوم 07/11/2003 م.
5. الأنبا أثناسيوس مطران بنى سويف والبهنسا وتوابعها: السيامة أسقفاً 09/09/1962 م. رقى مطران فى 18/06/1978 م. رقد فى الرب 16/11/2000 م.
6. الأنبا صموئيل أسقف الخدمات العامة: 30/09/1962 م. رقد فى الرب يوم 06/10/1981 م.
7. الأنبا شنوده الثالث أسقف التعليم: 30/09/1962 م. رقد فى الرب يوم 17/03/2012 م.
8. الأنبا مكسيموس مطران القليوبية وقويسنا: السيامة 31/03/1963 م. رقى مطران فى 18/06/1978 م. رقد فى الرب 1992 م.
9. الأنبا دوماديوس مطران الجيزة: السيامة 31/03/1963 م. رقى مطران فى 02/06/1985 م. رقد فى الرب يوم 15/09/2011 م.
10. الأنبا اسطفانوس مطران العطبرة وأم درمان: السيامة 29/09/1963 م. رقد فى الرب عام 1992 م.
11. الأنبا أغابيوس (ديروط): السيامة 21/02/1965 م. رقد فى الرب 08/07/1984 م.
12. الأنبا مكاريوس أسقف قنا وتوابعها: السيامة فى 20/09/1965 م. رقد فى الرب يوم 03/02/1991 م.
13. الأنبا ديوسقورس أسقف المنوفية: السيامة 1965 م. رقد فى الرب يوم الثلاثاء 04/05/1976 م.
14. الأنبا غريغوريوس أسقف عام الدراسات اللاهوتية والثقافة القبطية والبحث العلمى: السيامة بيد البابا كيرلس 10/05/1967 م. رقد فى الرب 22/10/2001 م.
15. الأنبا دانيال مطران السودان: السيامة 30/06/1968 م. رقى مطران فى 26/02/1978 م. رقد فى الرب 16/04/2000 م.
16. الأنبا أندراوس (دمياط): السيامة فى 12/1969 م. رقد فى الرب يوم 04/08/1972 م.
17. الأنبا فيلبس مطران الدقهلية وميت دمسيس: السيامة 21/12/1969 م. رقى مطران فى 02/06/1985 م. رقد فى الرب 02/04/2001 م.
18. الأنبا يوساب (البلينا): السيامة فى عام 1970 م. رقد فى الرب عام 1972 م.
19. الأنبا بولس (حلوان): السيامة أسقفاً 05/07/1976. رقد فى الرب ؟ ؟

الآباء الأساقفة الذين تمت سيامتهم بيد قداسة البابا شنوده الثالث

1. الأنبا يوأنس أسقف الغربية: السيامة 12/12/1971 م. رقد فى الرب 04/11/1987 م.
2. الأنبا باخوميوس مطران البحيرة ومطروح والخمس مدن الغربية: السيامة أسقفاً 12/12/1971 م. رقى مطراناً فى 02/09/1990 م.
3. الأنبا أغاثون مطران الاسماعيلية: السيامة 28/05/1972. رقد فى الرب يوم 30/05/1999 م.
4. الأنبا بيشوى: مطران دمياط والبرارى وكفر الشيخ ودير القديسة دميانة: السيامة أسقفاً 24/09/1972 م. رقى مطراناً فى 02/09/1990 م. رقد فى الرب 02/10/2018 م.
5. الأنبا تيموثاوس الأسقف العام: السيامة 17/06/1973 م. رقد فى الرب يوم 27/03/1999 م.
6. الأنبا صرابامون أسقف دير القديس الأنبا بيشوى بوادى النطرون: السيامة 17/06/1973 م. رقد فى الرب يوم 08/03/2020 م.
7. الأنبا مرقس مطران مارسيليا وطولون بفرنسا: سيم أسقفاً لمارسيليا 02/06/1974 م. رقى مطران لمارسيليا 19/06/1994. (رقد فى الرب 2008).
8. الأنبا أثناسيوس: سيم خورى أبسكوبس لفرنسا 02/06/1974 م. رقى أسقفاً لفرنسا 19/06/1994 م.
9. الأنبا هدرا أسقف أسوان: السيامة 22/06/1975 م، رقد فى الرب 27 سبتمبر 2021 م.
10. الأنبا ويصا أسقف البلينا وبرديس وأولاد طوق: السيامة 22/06/1975 م.
11. الأنبا بيمن: سيم أسقفاً عاماً 22/06/1975 م. ثم أسقف لملوى وأنصنا والأشمنين 13/06/1976 م. رقد فى الرب يوم 19/05/1986م.
12. الأنبا أرسانيوس أسقف ألمنيا وأبو قرقاص: السيامة 13/06/1976 م. رقد فى الرب 11 أغسطس 2018 م.
13. الأنبا بفنوتيوس أسقف سمالوط وطخا الأعمدة: السيامة 13/06/1976 م.
14. الأنبا أمونيوس أسقف الأقصر وأسنا وأرمنت: السيامة 13/06/1976 م. (أوقف عن عمل الأسقفية بقرار من المجمع المقدس 17/06/2000 م).
15. الأنبا بنيامين أسقف المنوفية: السيامة 13/06/1976 م.
16. الأنبا إيساك الأسقف العام: السيامة 13/06/1976 م. رقد فى الرب يوم 31/5/1978.
17. الأنبا أنطونيوس مرقس أسقف عام لشئون أفريقيا: السيامة 13/06/1976 م.
18. الأنبا أنجيلوس أسقف مراكز الشرقية ومدينة العاشر من رمضان: السيامة 14/11/1976 م. رقد فى الرب يوم 11/09/2011 م.
19. الأنبا تادرس: سيم أسقفاً لبورسعيد: 14/11/1976 م.
20. الأنبا برسوم الأسقف العام: 29/05/1977 م. رقد فى الرب يوم 5/5/1986.
21. الأنبا رويس الأسقف العام: السيامة 29/05/1977 م. رقد فى الرب يوم 14/05/2020 م.
22. الأنبا أغناطيوس أسقف السويس: السيامة 29/05/1977 م. رقد فى الرب 28/12/2013 م.
23. الأنبا ياكوبوس أسقف الزقازيق ومنيا القمح: السيامة 29/05/1977 م. رقد فى الرب 19/11/2008 م.
24. الأنبا كيرلس أسقف نجع حمادى وأبو تشت: السيامة 29/05/1977 م.
25. الأنبا ساويرس: سيم خورى أبسكوبس لدير المحرق 29/05/1977 م. ثم أسقفاً لدير المحرق 02/06/1985 م.
26. الأنبا بولا: سيم خورى أبسكوبس 29/05/1977 م. ثم أسقفاً عاماً 25/05/1980 م. ثم أسقفاً لطنطا 18/06/1989 م.
27. الأنبا إيساك: سيم خورى أبسكوبس 18/06/1978 م. الأسقف العام لدير الأنبا مكاريوس السكندرى بجبل القلالى، البحيرة 01/06/2014 م.
28. الأنبا متاؤس: سيم خورى أبسكوبس 18/06/1978 م. ثم أسقفاً عاماً 25/05/1980. ثم أسقفاً لدير السريان 06/06/1993 م.
29. الأنبا بموا: سيم خورى أبسكوبس 18/06/1978 م. ثم أسقفاً لدير مار جرجس الخطاطبة 11/06/1995 م. رقد فى الرب يوم 30/03/2002 م.
30. الأنبا موسى: سيم خورى أبسكوبس 18/06/1978 م. ثم الأسقف العام لخدمة الشباب 25/05/1980 م.
31. الأنبا مرقس: سيم خورى أبسكوبس 18/06/1978 م. ثم أسقفاً عاماً 02/06/1985 م. ثم أسقفاً شبرا الخيمة وقليوب والقناطر الخيرية 14/06/1992 م.
32. الأنبا ديسقوروس: سيم خورى أبسكوبس 10/06/1979 م. ثم أسقفاً عاماً 25/05/1980 م.
33. الأنبا بطرس: سيم خورى أبسكوبس 10/06/1979 م. ثم أسقفاً عاماً 02/06/1985 م.
34. الأنبا مينا أسقف دير مار مينا بمريوط: السيامة 25/05/1980 م. رقد فى الرب يوم 11/12/1996 م.
35. الأنبا ميصائيل: سيم أسقفاً عاماً 25/05/1980 م. ثم أسقفاً لبرمنجهام بالمملكة المتحدة 26/05/1991 م.
36. الأنبا بسادة أسقف أخميم وسقالته: 25/05/1980 م.
37. الأنبا أندراوس أسقف أبوتيج وصدفا: السيامة 25/05/1980 م.
38. الأنبا أشعياء أسقف طهطا وجهينة: السيامة 25/05/1980 م.
39. الأنبا فام: سيم أسقفاً لطما 25/05/1980 م.
40. الأنبا مينا الصموئيلى أسقف دير الأنبا صموئيل المعترف: السيامة 02/06/1985 م. رقد فى الرب يوم 03/04/1989 م.
41. الأنبا ابرآم أسقف الفيوم: السيامة 02/06/1985 م.
42. الأنبا سرابيون: سيم أسقفاً عاماً 02/06/1985 م. ثم أسقفاً للوس أنجلوس وتوابعها 14/11/1995 م.
43. الأنبا بسنتى: سيم أسقفاً عاماً 22/06/1986 م. ثم أسقفاً لحلوان والمعصرة 29/05/1988 م.
44. الأنبا كيرلس: سيم أسقفاً عاماً22/06/1986 م. ثم أسقفاً لميلانو بإيطاليا 02/06/1996 م. (رقد فى الرب يوم 14/08/2017 م).
45. الأنبا برسوم أسقف ديروط وصنبو: السيامة 22/06/1986 م.
46. الأنبا باخوم أسقف سوهاج والمنشاة والمراغة: السيامة 22/06/1986 م.
47. الأنبا لوكاس أسقف أبنوب والفتح: السيامة 22/06/1986 م. رقد فى الرب يوم 12 فبراير 2022.
48. الأنبا ديمتريوس أسقف ملوى وأنصنا والأشمونين: السيامة 22/06/1986 م.
49. الأنبا أنطونيوس أسقف منفلوط: السيامة 22/06/1986 م.
50. الأنبا أغابيوس أسقف دير مواس ودلجا: السيامة 13/11/1988 م.
51. الأنبا توماس أسقف القوصية ومير: السيامة 13/11/1988 م.
52. الأنبا متياس أسقف المحلة الكبرى: السيامة 18/06/1989 م. أستقال فى 22 ابريل 2005 م.
53. الأنبا مكاريوس الإريترى الأسقف العام: 26/05/1991 م.
54. الأنبا مرقس الإريترى الأسقف العام: 26/05/1991 م.
55. الأنبا يوحنا الأسقف العام: السيامة 26/05/1991 م.
56. الأنبا باسيليوس أسقف دير الأنبا صموئيل المعترف: السيامة 26/05/1991 م.
57. الأنبا دانيال الأسقف العام (أسقف المعادى والبساتين ودار السلام وتوابعها بالقاهرة): السيامة 26/05/1991 م.
58. الأنبا شاروبيم أسقف قنا: السيامة 26/05/1991 م.
59. الأنبا بيمن أسقف قوص ونقادة: السيامة 26/05/1991 م.
60. الأنبا تكلا أسقف دشنا: السيامة 26/05/1991 م.
61. الأنبا ابراهام مطران الكرسى الأورشليمى: السيامة 17/11/1991 م. رقد فى الرب يوم 25/11/2015 م.
62. الأنبا يسطس أسقف دير القديس الأنبا أنطونيوس بالبحر الأحمر (بالصحراء الشرقية): السيامة 17/11/1991 م.
63. الأنبا إيسيذوروس أسقف دير البراموس: السيامة 14/06/1992 م.
64. الأنبا ثاؤفيلس أسقف البحر الأحمر: السيامة 14/06/1992 م.
65. الأنبا صموئيل أسقف شبين القناطر والخانكة _ طوخ: السيامة 14/06/1992 م. رقد فى الرب يوم 15/07/2003 م.
66. الأنبا مكسيموس أسقف بنها وقويسنا: السيامة 14/06/1992 م.
67. الأنبا يوسف: سيم أسقفاً عاماً 14/06/1992 م. ثم أسقفاً لتكساس ورئيس دير العذراء والأنبا موسى، جنوب الولايات المتحدة لجنوب أمريكا 14/11/1995 م.
68. الأنبا كاراس أسقف دير الأنبا أنطونيوس بكاليفورنيا: السيامة 06/06/1993 م. رقد فى الرب يوم 17/01/2002 م. ؟
69. الأنبا يؤانس: سيم أسقفاً عاماً 06/06/1993 م.
70. الأنبا صرابامون أسقف أم درمان والعطبرة بالسودان: السيامة 14/08/1993 م.
71. الأنبا سارافيم: سيم أسقفاً ثم مطراناً للكنيسة القبطية البريطانية الأرثوذكسية 19/06/1994 م. (تاريخ الإنفصال 04/10/2015 م).
72. الأنبا أنطونيوس الأريترى: سيم أسقفاً لحماسين: 19/06/1994 م.
73. الأنبا ديسقورس الأريترى: سيم أسقفاً لسيرابى: 19/06/1994 م.
74. الأنبا كيرلس الأريترى: سيم أسقفاً لأكيلا جوزاى: 19/06/1994 م.
75. الأنبا يؤانس الأريترى: سيم أسقفاً لسينحيت وساحل وباركن وحاش: 19/06/1994 م.
76. الأنبا سلامة الأريترى: سيم أسقفاً لسامحاران ولانكالن: 19/06/1994 م.
77. الأنبا أنطونى: سيم أسقفاً لايرلندا واسكتلندا وشمال شرق انجلترا 11/06/1995 م.
78. الأنبا برنابا: سيم أسقفاً لشئون الأقباط بإيطاليا 11/06/1995 م. ثم أسقفاً لتورينو وروما: 02/06/1996 م.
79. الأنبا دميان: سيم أسقفاً عاماً لشئون الأقباط بألمانيا: 11/06/1995 م.
80. الأنبا بولس: سيم أسقف عام الكرازة فى أفريقيا: 11/06/1995 م.
81. الأنبا مكارى: سيم أسقفاً لشبه جزيرة سيناء: 14/11/1996 م. رقد فى الرب يوم 25/07/2000 م.
82. الأنبا تواضروس: سيم أسقف عام مساعد لمطران دمنهور (لإيبارشية البحيرة) 15/06/1997 م. (قداسة البابا تواضروس الثانى حالياً).
83. الأنبا رافائيل: سيم أسقفاً عاماً: 15/06/1997 م.
84. الأنبا سوريال: سيم أسقفاً عاماً 15/06/1997 م. ثم أسقفاً لملبورن باستراليا: 14/11/1999 م. (أستقال من الخدمة 05/11/2018 م).
85. الأنبا غبريال: سيم أسقفاً عاماً 15/06/1997 م. ثم أسقف بنى سويف: 03/06/2001 م.
86. الأنبا مكسيموس: سيم أسقفاً عاماً: 30/05/1999 م.
87. الأنبا سلوانس: سيم أسقفاً عاماً: 30/05/1999 م.
88. الأنبا جوارجيوس: سيم أسقفاً عاماً 30/05/1999 م. ثم أسقف مطاى وتوابعها: 03/06/2001 م.
89. الأنبا أسطفانوس: سيم أسقف عام مساعد لمطران بنى سويف 30/05/1999 م. ثم ببا والفشن: 03/06/2001 م.
90. الأنبا تيموثاؤس: سيم أسقف عام مساعد لأسقف القوصية ومير 30/05/1999 م. ثم أسقف الزقازيق ومنيا القمح: ؟
91. الأنبا أنجيلوس: سيم أسقفاً عاماً لاستيفينيج بالمملكة المتحدة: 14/11/1999 م.
92. الأنبا ديفيد: سيم أسقفاً عاماً للمقر البابوى بسيدر جروف بنيو جيرسى أمريكا: 14/11/1999 م.

93. الأنبا جبرييل أسقف عام لبلاد النمسا والمنطقة الألمانية بسويسرا: السيامة 18/06/2000 م.
94. الأنبا إيليا أسقف الخرطوم وتوابعها: السيامة 03/06/2001 م.
95. الأنبا سارافيم أسقف الأسماعيلية: السيامة 03/06/2001 م.
96. الأنبا أبوللو أسقف جنوب سيناء: السيامة 03/06/2001 م.
97. الأنبا مارتيروس الأسقف العام: 03/06/2001 م.
98. الأنبا أثناسيوس أسقف بنى مزار والبهنسا: السيامة 06/09/2001 م.
99. الأنبا أغاثون أسقف مغاغة والعدوة: السيامة 09/09/2001 م.
100. الأنبا قزمان أسقف شمال شيناء: السيامة 09/09/2001 م.
101. الأنبا دانييل أسقف سيدنى باستراليا: السيامة 23/06/2002 م.
102. الأنبا داود أسقف المنصورة: السيامة 14/11/2002 م.
103. الأنبا كيرلس أسقف دير مار مينا: السيامة 15/06/2003 م.
104. الأنبا أباكير أسقف الدول الإسكندنافية: السيامة 30/05/2004 م.
105. الأنبا أرميا الأسقف العام: السيامة 30/06/2004 م.
106. الأنبا مكاريوس الأسقف العام، المنيا: السيامة 30/05/2004 م.
107. الأنبا أغاثون أسقف البرازيل: السيامة 11/06/2006 م.
108. الأنبا مينا أسقف ورئيس دير الشهيد مار جرجس، الخطاطبة: السيامة 11/06/2006 م.
109. الأنبا يوسف أسقف بوليفيا: السيامة 11/06/2006 م.
110. الأنبا دانيال أسقف ورئيس دير الأنبا بولا بالبحر الأحمر: السيامة 15/11/2006 م.
111. الأنبا بطرس أسقف شبين القناطر وتوابعها: السيامة 07/06/2009 م.
112. الأنبا ثيؤدوسيوس أسقف وسط الجيزة والواسطى وتوابعها: السيامة 07/06/2009 م.
113. الأنبا دانيال أسقف ورئيس دير الأنبا شنوده رئيس المتوحدين، سيدنى باستراليا: السيامة 07/06/2009 م.  
114. الأنبا صليب أسقف ميت غمر، الدقهلية: السيامة 07/06/2009 م.
115. الأنبا مايكل أسقف عام كنائس فيرجينيا والساحل الشمالى الشرقى بأمريكا: السيامة 07/06/2009 م.  
116. الأنبا مرقوريوس أسقف جرجا، سوهاج: السيامة 07/06/2009 م.
117. الأنبا مينا أسقف ميسيساجا وفانكوفر، غرب كندا: السيامة 07/06/2009 م.   
118. الأنبا كاراس أسقف المحلة الكبرى: السيامة 16/11/2013 م، رقد فى الرب 13 أكتوبر 2021 م.

تعهد الكاهن الجديد

أنا المسكين … المدعو لنعمة الكهنوت على المذبح المقدس فى كنيسة … بحى … بمدينة …

أتعهد أمام الله رب الأرباب وراعى الرعاة، وأمام ملائكته وقديسيه، وأمام أبى قداسة البابا شنوده الثالث وأمام الإكليروس وكل الشعب:

بأن أثبت على الإيمان الأرثوذكسى إلى النفس الأخير، وأن أحترم قوانين الكنيسة المقدسة، وأحافظ على تقاليدها وطقوسها وتعاليمها.

وأن أبذل كل جهدى فى تعليم الشعب الإيمان السليم، وقيادته فى حياة القداسة والبر، وأكون أنا نفسى قدوة له فى كل عمل صالح.

وأتعهد بأن أحب الرعية، وأعاملها بالرفق والحكمة، وأبذل ذاتى فى افتقاد الشعب والاهتمام به من كل ناحية حسب طاقتى، وأن أبحث عن الضال وأسعى لرده، وأجمع خراف الله المتفرقة، ولا أغفل عن العاجزين والمنطرحين والذين ليس لهم أحد يذكرهم، وأن أكون طويل الروح واسع الصدر فى معاملة الناس (ولا تكون لى منهم جماعة مختارة بل أهتم بالكل).

وأتعهد بأن أضع صالح الكنيسة فوق كل اعتبار، وأن أبعد عن محبة المال وعن محبة النصيب الأكبر، ولا أتعالى على الشعب، ولا أهملهم، ولا أكلفهم بما لا يطيقون، ولا آمرهم بما يخالف وصية الرب، ولا أرفض التائب إذا رجع، ولا أقصّر فى خدمة أحد منهم.

وأتعهد بأن أخضع لرئاسة الكهنوت ممثلة فى قداسة البابا البطريرك، مع احترامى وتوقيرى لشركائه فى الخدمة الرسولية الآباء المطارنة والأساقفة.

وأطلب من الرب أن يهبنى قوة بصلواتكم حتى أقوم بـهذه المسئولية الخطيرة، واؤدى بأمانة كافة ما يتطلبه منى عمل الكهنوت الجليل. صلوا عنى يا آبائى وأخوتى القديسين. ها مطانية لكم جميعاً.

(مجلة الكرازة عدد 35 بتاريخ  الجمعة 29 أغسطس 1975 السنة السادسة).

الكهنة والأساقفة ومسك الصليب باستمرار

س: لماذا يمسك الكهنة والأساقفة صليب فى اليد باستمرار حتى فى غير الخدمات الطقسية ؟

ج: الصليب هو للبركة يبارك به ويرشم الصليب به على الشعب وبيستخدمة فى حاجات كتيرة. لما ييجى يصلّى على إنسان بدال ما يحط إيده على راسه ممكن يحط الصليب على راسه، بيبارك الشعب يبارك بالصليب وما نقدرش نقول حتى فى غير الخدمات الطقسية الكاهن الأب أو الأسقف معرّض للخدمات طول ما هو ماشى فى السكّة مافيش حد بييجى يسلّم عليه ويقول له صلّى لى، مافيش حد بيقول له أقرا لى التحليل، مافيش حد يقول له أنا عيّان قول لى كلمة … يعنى. هل الكاهن ليه أوقات خدمات وأوقات مش خدمات فى كل وقت معرض إن يكون للخدمة (الفرح بالرب 21/08/1996).

هل يوجد ما يُسمى أسبوع الخدمة للأب الكاهن فى الكنيسة ؟

س: هل يوجد ما يُسمى أسبوع الخدمه للأب الكاهن فى الكنيسة ؟ بمعنى أن يقسّم الشهر 4 أسابيع على 4 آباء كهنة مثلاً ولكل أب كاهن أسبوع واحد يتواجد فيه داخل الكنيسة لأتمام الصلوات والأسرار؟

ج: هو بيكون عدد كبير علشان يساعدوا بعض فى الخدمة. يعنى مثلاً لما بتكون كنيسة عملنا لها 4 كهنة معناها شعبها كبير. الشعب الكبير ما يقدرش الكاهن فى القداس يناول الستات ويناول الرجاله من الجسد ومن الدم طبعاً عملية كبيرة فبيبقوا بيساعدوا بعض. إما أتنين يناولوا الجسد وأتنين يناولوا الدم أو واحد يناول الجسد وواحد يناول الدم. أو حاجه تانى كنيسة كبيرة بيعملوا فيها قداسين القداس الأول والقداس التانى. لكن مش معناها إن أربعة كل واحد ياخد له أسبوع طب والـ 3 أسابيع دول يروح فيهم فين ؟ ياخدهم أجازة ؟! شوف لينا حكاية أسبوع الخدمة دى يا أنبا يؤنس أوعى تكونوا عملتوها من ورايا ؟! يمسك الأسبوع كله قداسات إزاى ؟ ويناول الجسد والدم للرجاله والستات أمّال إحنا عاملين 4 ليه ؟ عاملين 4 معناها شعب كبير يساعدوا بعض ما يقدرش كاهن واحد مع الشعب الكبير يناول الجسد للرجاله والجسد للستات والدم للرجاله والدم للستات … دا بيدوخ. مفروض الحاجات دى يشاورونى فيها إن كانوا بيعملوا كدا يشاورونى … لأ لأ لأ. ها أقول لك لأ ليه.. لأن الناس فى الجنّازات يريدون إن الآباء الكهنة يشاركوهم فى الشعور فلما يلاقوا واحد بس بيشاركهم فى الشعور والباقين مش موجودين بياخدوا على خاطرهم من اللى غايبين. الناس دول اللى عملوا كدا لازم يشاورونا لكن ما يقرروش قرارات فى الخدمة وإحنا آخر من يعلم زى الأزواج (التربية الدينية العائلية 10/12/2001).

ما معنى كلمة كاهن ؟

س: ما معنى كلمة كاهن هل هى أمتداد لاسم الكاهن عند الفراعنة علماً بأن المسيحية بعد الفرعونية مباشرهً وخاصة وإن الكاهن الفراعونى كان رجل دين ؟

ج: أنا هنا عايز أقول لكم ملاحظة بيقع فيها كثيرون البعض فى إهتمامهم بالمسيحية المصرية يتجاهلون المسيحية فى العالم كله. فمثلاً واحد يقول لك علامة الصليب متاخده من علامة أُنخ اللى شكل الصليب عند الفراعنة، طب ما الصليب موجود فى بلاد العالم كله. هى بس حاجة مسيحية دى حاجة للعالم كله. حكاية الكهنوت هل إحنا أخدناه من الفراعنة ؟ طب الكهنوت اللى موجود فى بقية بلاد العالم كان عندهم فرعنة همّا الآخرين ؟! ما كانش فيه.

أو مثلاً ييجى يقول لك الثالوث أخدوه من قصة إزوريس وأيزيس وحورس من الثالوث الفرعونى. طب عقيدة الثالوث اللى موجودة فى العالم المسيحى كله فى شرق الدنيا وغربـها كان عندهم همّا الآخرين أزوريس وأيزيس وحورس ؟! لماذا الخلط بين العقائد المسيحية العامة وبعض العقائد المصرية ؟ الكلام دا لو كانت الحكاية خاصة بمصر وحدها لكن إذا كانت خاصة بكل بلاد العالم المسيحى فيبقى ما تجيبش بقى سيرة إيه العقائد المصرية كانت إيه لأن هذه المسائل موجودة فى كل العالم الكهنوت ما موجود فى العالم. مافيش كهنوت فى الكنيسة الكاثوليكية، فى روما وكل بلاد العالم الكاثوليكى فى أوربا وأمريكا وأمريكا اللاتينيه وبلاد أخرى كثيرة ؟ مافيش كهنة عند الروم الأرثوذكس مافيس كهنة فى روسيا ورومانيا وبلغاريا وقسطنطينية ومافيش كهنة فى كل بلاد العالم ؟! بس الكهنوت جه من الفراعنة ؟! خلّى تفكيرك متسع فى هذه الأمور العامة (إرميا النبى 07/12/1994).

لماذا لا يتزوج الأسقف ؟

س: واحد بيقول الكتاب بيقول فى تيموثاوس الأولى 3: 2 يجب أن يكون الأسقف بلا لوم بعل امرأة واحدة. فلماذا لا يتزوج الأسقف فى عصرنا الحاضر ؟

ج: برضه تعليم بروتستانتى. لأن الكنيسة الإنجليزية لغاية دلوقتى الأساقفة بتوعها متجوزين. لكن لما الكتاب قال الكلام دا قيل عن المسيحية فى بدأها .. فى بدايتها. لما المسيحية جات كديانة جديدة فيه ناس دخلوا فى الإيمان وكانوا متزوجين وصاروا رسلاً أو أساقفة، يعنى بطرس الرسول ما هو كان متجوز … كان إيه ؟ متجوز والمسيح شفى حماته يعنى معناها كان متجوّز. لكن بعد أن دخل الناس فى الإيمان ما بقاش فيه أساقفة متزوجين إلا عملية التصفية فى القرون الأولى. وبقوانين مجمع نقية المقدس، المجمع المسكونى الأول أصبح الأسقف لا يمكن أن يتزوج والكاهن ممكن أن يتزوج. فحكاية يكون بعل امرأة واحدة يعنى إذا كان قبل المسيحية قبل الإيمان المسيحى متزوج لا يمنع بعد دخوله فى الإيمان أن يصير أسقفاً أو كاهناً. لكن حالياً دلوقتى حتى لو كان لسّه داخل فى الإيمان مش ممكن لأن معروفه القاعدة. بل إنكوا تشوفوا فى تاريخ الكنيسة فى حياة القديس ديمتريوس الكرّام وكان متزوجاً فى أواخر القرن الثانى، الناس شكّوا فيه لغاية ما حدثت معجزة تثبت بتوليته وإنه كان يعيش مع زوجته كأخت ولذلك قبلوه دا قبل مجمع نيقية حتى. يبقى كان معروف كتقليد إن الأمر دا مش ممكن (شجّعوا صغار النفوس 06/11/2002).

الأسقف بلا لوم بعل امرأة واحدة (1تى3: 2)

س: واحد بيتكلم عن ما ورد فى رسائل بولس الرسول أن يكون الأسقف بلا لوم بعل امرأة واحدة، صالحاً عاقلاً … إلى آخره ؟

ج: الحكاية دى كانت فى العصر الرسولى فقط. ما كانتشى أنتشرت البتولية بعد بدليل أن بعض الآباء الرسل كانوا متزوجين مثل بطرس الرسول، اللى المسيح شفى حماته. ما دام شفى حماته يبقى متزوج. ولكن فى نفس الوقت كان موجود يوحنا البتول وكان بولس الرسول بتولاً. فعلشان الكنيسة لا تُحرم من المواهب القوية اللى موجودة من المتزوجين وقت ظهور المسيحية. فإذا كان شخص متزوج ولم يتزوج سوى امرأة واحدة، فكان ممكن إن هو يبقى أسقف. وفى هذه الحالة كان بيمتنع عن زوجته. وزى ما قال بطرس الرسول تركنا كل شئ وتبعناك. حتى بطرس ترك زوجته وترك عيلته. ليس من أجل شئ فى الزواج، فالزواج طاهر ومقدس. ولكن من أجل التفرغ … التفرغ. بيقول: غير المتزوج يهتم فيما للرب كيف يرضى الرب، أما المتزوج فيهتم فيما للعالم كيف يرضى امرأته. فالمسالة ليست فى طبيعة الزواج إنما المسألة فى التفرغ. أن الإنسان اللى ما عندهوش عيله وما عندهوش أولاد … فاضى لربنا طول الوقت لا يشغله بيت خاص إنما يشغله العمل الإلهى. وظل هذا الأمر هكذا إن الناس فى العصر المسيحى الأول كان فيه أساقفة متزوجين، بعد كدا قل وجود الأساقفة المتزوجين لدرجة أن القديس الأنبا ديمتريوس الكرام لم يقابل زواجه براحة من المؤمنين ووروا أنه كان عايش مع زوجته كأخت.

فى مجمع نيقية المقدس سنة 325 ميلادية خلّوا الزواج ممكن للقسوس فقط، لأنـهم بيفتقدوا العائلات فمفروض يكونوا عارفين العائلات والبيوت وطريقة التربية والمشاكل الأسرية … إلى آخره، أما الأساقفة فقالوا ببتوليتهم. ومن ذلك الحين لم يوجد أساقفة متزوجون فى الكنيسة (الفرح بالرب 21/08/1996).

الأسقف والحرمان الظالم لشاب

س: واحد بيقول حرم أحد الآباء الأساقفة شاباً بريئاً ومات الشاب فى حادثة عربة ورفضت الكنيسة إنـها تصلّى عليه، وتم دفنه بدون صلاة. وبعد 15سنة بطريق الصدفة أكتشف الأسقف إن الشاب برئ … فبكى وحالله على قبره وقال له سامحنى يا فلان أنا ظلمتك. هل يكون الشاب قد قضى 15 سنة فى الجحيم وهو محروم وعندما حالله الأسقف على قبره يكون انتقل إلى النعيم ؟ وهل الله العادل يرضى لبرئ أن يدخل فى الجحيم لأجل حرمان الأسقف ؟ فما رأيكم ؟

ج: رأيي أن فيه عدة أخطاء وقعت.

أولاً: حرمان شاب بدون تحقيق دقيق … دى غلطة.

ثانياً: قوانين الكنيسة بتخلّى لو وجد حرم … ساعة الموت يحالل. يعنى مافيش حرم يوقعه أحد الآباء الكهنة ولا أحد الآباء الأساقفة على غلطة عملها واحد ويستمر الحرم بعد الموت. كان مفروض … يعنى أول غلطة إنه حُرم وهو برئ وبدون تحقيق.

تانى غلطة: مفروض إن لما تصل الحكاية للموت، وخصوصاً موت فى حادثة إنه يحالل ويصلّى عليه.

تالت حاجة: إن إذا إنسان حُرم ظلماً الله لا يوافق على هذا الحرم، فإذا مات ما يروحش الجحيم. ما دام مظلوم يبقى ظلم على الأرض وظلم من ربنا … دا مستحيل !! يعنى لما واحد يُظلم من درجة من درجات الكهنوت الله لا يعتمد هذا الظلم لا يصدّق عليه لا يوافق عليه كأن لم يكن، بل إن الذى حرمه هو الذى يُعاقب لأنه حرم أحد ظلماً. فما تفتكرش إن الشاب دا قعّد 15 سنة فى الجحيم. لو كان دى النقطة الوحيدة اللى ضده يبقى كأن لم تكن، وما يكونش قضى فى الجحيم دقيقة واحدة بسبب أنه حُرم ظلماً. انتوا فاكرين ما حاللتموه على الأرض يكون محلولاً فى السما وما ربطموه يكون مربوطاً فى السما … دى تؤخذ بطريقة مطلقة ؟! لا طبعاً. إنما المقصود بيها ما حرمتموه بحق وما حاللتموه بحق يكون محالل (الطبيعة البشرية 02/03/1994).

نياحة الأب الكاهن

س: لماذا عندما يتنيح الكاهن يلبس تونية ويضعوا في يده اليمني صليب وفي اليد الأخري كتاب مقدس ؟

ج: هو يعني بيكفنوه بملابس الخدمة التي يقف بـها علي المذبح. مش بالملابس العادية اللي بيلبسها. بملابس الخدمة علي اعتبار إن الكاهن خادم المذبح. أصحاب درجة الأسقفة إذا تنيحوا سواء كان أسقف أو مطران أو بطرك إلي آخره بيحطوا معاه كمان عصا الرعاية علي اعتبار إن له الرعاية فمش بس صليب وكتاب مقدس (إنجيل). إنما أيضاً عصا الرعاية. رمز إلي خدمته (خطية القسوة 12/02/1992).

أبنائى الكهنة المحبوبين…

سلام لكم من الرب ونعمة. إلهنا الصالح الذى ـ على غير إستحقاق منا ـ اختارنا لنعمل معه، ونشترك فى بناء ملكوته، ونجول ـ كسفراء له ـ ننادى أن (أصطلحوا مع الله)، هو قادر أن يمنحنا القوة، ليتمم رسالتنا بغير وقوع فى دينونة. منذ زمان، وأنا مشتاق أن ألتقى معكم فى أمثال هذه الرسالة، لكى نتأمل معاً عمق المسئولية التى كلفنا الرب بـها، حتى (نعمل ما دام نـهار)، كوكلاء أمناء حكماء أقامنا الله على أولاده لكى نعطيهم طعامهم فى حينه. وقد أخترت أن تكون رسالتى الأولى لكم عن:

العضوية الكنسية

1. ينبغى أن نعرف أولادنا واحداً واحداً، لكيما نستطيع أن نقدم لهم كلمه الله ونخدمهم ونرعاهم. لأنه كيف يمكننا أن نرعاهم، إن كنا لا نعرفهم؟!

ولقد علمنا السيد المسيح ـ تبارك اسمه ـ أن الراعى الصالح: يعرف خرافه، ويناديها بأسمائها. والخراف تتبعه لأنها تعرف صوته، ولا تعرف صوت الغريب. وكراع صالح، قال الرب عن نفسه(أما أنا فإنى الراعى الصالح، وأعرف خاصتى، وخاصتى، تعرفنى… وأنا أضع نفسى عن الخراف).

2. والمفروض. ليس فقط أن نعرف أولادنا بأسمائهم، وإنما بالأكثر نعرف كلاً منهم بحالته، وظروفه، ومشاكله، وأحتياجاته. لأنه بـهذا يمكننا أن نقدم لكل منهم الخدمة التى تناسبه، كآباء يعرفون حالة أبنائهم. ولكن كيف يمكننا هذا، إن كنا لا نعرف أولادنا، ولا نعرف حتى مجرد أسمائهم؟! أو إن كنا نعرف البعض منهم فقط، ونجهل الباقيين! هؤلاء المجهولون منا، كيف نقدم عنهم حساباً أمام الله؟!
3.  لا نريد أن توجد فى رعيتنا مجموعة: لم تصل إليها الكنيسة بعد، ولم تعرف عنها شيئاً، ولم تزرها، ولم تفتقدها، ولم تقم نحوها بواجب روحى… إن كان مؤلماً للإنسان العادى أن يشعر أن الكنيسة أهملتة، فإنه من الخطر على الإنسان البعيد عن الله أن تتركة الكنيسة بلا إفتقاد فيهلك ويضيع…
4.  ينبغى أن نعرف الكل، لكى نخدم الكل، لكى نوجد لكل أحد مكاناً فى ملكوت الله، والدسقولية تقول(فليهتم الأسقف بكل أحد، ليخلصه). والأسقف يمارس هذا الإهتمام بنفسه، وبكهنته، وشمامسته، وكل الخدام العاملين معه. إن تخليص كل أحد واجب يعمل من أجله الكل. وهكذا نرى الرعاية قاعدة هامة وهى: لا يكفى أن نعرف الكثيرين ونخدمهم، إنما ينبغى أن نعرف الكل ونخدمهم. ولقد قدم الرب لنا مثلاً رائعاً عن هذه القاعدة الرعوية فى مثل الخروف الضال. فإن الراعى الصالح لم يفرح بوجود 99 % من خرافه فى الحظيرة، وإنما فرح عندما سعى وراء الواحد الضال، وأرجعه. ما كان ممكناً لهذا الراعى ـ فى زحمة المائة ـ أن يكشف غياب ذلك الواحد لولا أنه يهتم بكل واحد، ولا يضيع الفرد فى زحام المجموع.
5.  لهذا كله ولغيره، أكتب إليكم هذه الرسالة، لكى أنبهكم إلى أهمية تنظيم العضوية الكنسية. ومع أن العضوية الكنسية تشمل: العضوية الروحية، والعضوية القيادية، إلا أننى فى هذه الرسالة أود أن أركز على العضوية العامة. كل إنسان نال نعمة المعمودية المقدسة، هو عضو فى جسد المسيح، علينا أن نعرفة ونـهتم به. وكذلك علينا الإهتمام بكل إنسان سيعمّد، كالأطفال والموعوظين الذين سيعمّدون قريباً، ويدخلون عضوية الكنيسة، ينبغى أن نعرف الكل.
6.  هذه المعرفة يجب ألا تكون مجرد معرفة فى الذاكرة، وانما لابد ان تكون مسجلة فى سجلات… إن الذاكرة قد تنسى، وبخاصة إذا كثر العدد، وإذا كبر السن، وإذا كثرت الشواغل. كما أن الذاكرة قاصرة على شخص معين يحتفظ بأسماء ومعلومات فى ذهنه، بينما ينبغى أن تكون هذه المعلومات فى الكنيسة لتنظيم الخدمة ومتابعتها.

ولهذا ينبغى أن تكون سجلات العضوية الكنسية من ثلاث نسخ على الأقل: أحداها مع الأب الكاهن، والثانية فى الكنيسة، والثالثه عند الرئاسة الدينية(البطريركية أو المطرانية).

7.  هذه السجلات تشمل إسم كل عضو فى الكنيسة، وسنه، ووظيفته، وثقافته، ومركزه فى الأسرة، وحالته الإجتماعية، ومدى صلته بالكنيسة، كما تشمل أيضاً عنوانه سواء فى بيته أو فى عمله. ولتوحيد هذه السجلات، توجد نسخ منها فى البطريركية يمكن الحصول عليها. وعلى الأب الكاهن أن يسجل المعلومات الخاصة بكل فرد من شعبه ـ كما هو مبين ـ ويتابع ما يطرأ عليها من تغيير.
8.  ونحن على استعداد لتقديم كل ما يلزم هذا العمل الرعوى من إمكانيات. وعلى أى أب من الآباء الكهنة، تصادفه صعوبه أو عقبة أو تلزمة لهذا الواجب الرعوى إمكانيات أو احتياجات، أن يتصل بنا، لكى نتعاون معه.
9.  والغرض الوحيد من تنظيم العضوية الكنسية هو الرعاية، وليس غير. إن خرج الموضوع إلى غرض مالى، أو مجرد رغبة فى التنظيم، أو أى سبب آخر، حينئذ لا يكون قد أدى أهدافه الروحية. أما أهدافه فهى أن نعرف أولادنا، لكى نعرف الخدمة التى نؤديها نحوهم: الذين لم يتعمدّوا بعد، يعمدّون. والأطفال يحولون إلى مدارس التربية الكنسية، والشباب إلى اجتماعلت الشباب، والكبار إلى الإجتماعات العامة. والذين لا يمارسون سر الأعتراف والتناول، يرتب ذلك لهم مع حل المشاكل الإجتماعية أو الاقتصادية، وربط الاسرة جملة وأفراداً بالله وكنيستة، وتقديم كل ما يلزم من واجبات رعوية.
10.  ومن جانبنا، سنتابع تنفيذ هذا الأمر معكم… سواء بالرسائل، أو اللقاءات، أو عن طريق مندوبينا. ويسرنا أن توافونا أولاً بأول بنتائج جهودكم المباركة، لكى يفرح قلبنا بعمل الرب معكم، ولكى نفرح بافتقاد النفوس التى أوكلنا الرب عليها، ومن أيدينا سيطلب دمها.

أخيراً يا أبنائى الأحباء، أعملوا عمل الرب بكل أمانة. وكونوا أمناء حتى الموت. أبذلوا أنفسكم بذلاً فى الخدمة، لأن (الراعى الصالح يبذل نفسه عن الخراف) وأنمو فى عملكم الروحى (مكثرين عمل الرب كل حين، عالمين أن تعبكم ليس باطلاً فى الرب) صلوا عنى. وكونوا محاللين بالروح القدس، معافين فى الرب.

البابا شنوده الثالث. عيد حلول الروح القدس يونيو 1977.

أهمية هذا الأمر ما قيل من السيد المسيح كنت مريضاً فزرتمونى، وبالنسبة للذين ذهبوا للعذاب كنت مريضاً فلم تزورونى … دى نقطة.

+ والنقطة التانية: التى نضعها إلى جوار هذه قصة لعازر المسكين وكيف كانت له جروح وقروح والغنى لم يهتم بـها.

+ والنقطة الثالثة: فى قصة السامرى الصالح أن الراجل كان مطروحاً على الأرض ومجروحاً ومر عليه الكاهن واللاوى وجازا مقابله ولم يهتما به ولكن السامرى الصالح أهتم به.

+ والنقطة الرابعة: شفاء السيد المسيح للأمراض، كان يجول يصنع خيراً ويشفى كل مرض فى الشعب وقيل فى متى4: كان يكرز ببشارة الملكوت ويشفى كل مرض وكل ضعف فى الشعب وكانوا يحضرون إليه جميع السقماء والمرضى بكل نوع.

إذن من كل هذه الأمثلة ومن غيرها نرى أهمية العناية بالمرضى. فالله الذى خلق الروح ويعتنى بـها هو أيضاً الذى خلق الجسد ويعتنى بأمراضه.

فما واجب الكاهن فى كل هذا ؟

زيارة المرضى دى نوع من الأنواع، وبعدين علاج المرضى دا نوع تانى، والإنفاق على المرضى نوع ثالث.

(1) زيارة المرضى سواء فى البيوت أو فى المستشفيات أمر مهم جداً. المريض بيكون فى حالة روحية تقبل كلمة الله ويكون مستعداً لأى توجيه روحى لأنه بيلتمس رحمه ربنا. فيبقى زيارة المريض مفيدة ليه فى تعزيته فى نواحى جسده المريض، وأيضاً لها فائدتـها من الناحية الروحية. الكاهن ممكن يزور المريض يترك له صورة دينية، يترك له صليب، يترك له كتاب مقدس، يترك له أى حاجة. صدقونى أحياناً يكون المريض فى حساسية شديدة جداً يقول لك أبعت لى أى حاجة بركة. ولو خد صليب ممكن يحطّه تحت مخدته، ممكن يحطّه فى جيبه ممكن … أى حاجة ويبقى مبسوط جداً بيه. طبعاً ممكن الكاهن بيقدم هدية مادية … شيكولاتة، ملبس … أى حاجة بوكية ورد، لكن يقدم حاجة روحية زى دى كويس جداً.

+ أيضاً ممكن زيارة المريض ودهنه بالزيت، وياخد معاه قارورة زيت أو قطنة بزيت ويصلّى عليه ويدهنه بالزيت. المهم أن الكاهن لما يزور المريض ويدهنه بالزيت يكون بجدّيه. مش يكون حاطط إيديه على رأسه وبيرشمه وبيكلم واحد جنبه يقول له … لا … لا … لا … ويعنى يشعروا أنه كلفته. يعنى أنا قلت للناس فى هذا الأمر أن الكاهن لما يروح هناك ومعاه قارورة الزيت يصلّى على الزيت ويرشمه بالتلات رشومات بتأنى … بـهدوء ويقول:

+ من رسالة معلمنا يعقوب الرسول بركاته علينا آمين: أمريض أحد بينكم يستدعى قسوس الكنيسة فيصلّوا عليه ويدهنوه بالزيت وصلاة الإيمان تُشفى المريض وأن كان قد فعل خطية تُغفر له.

+ ويحط إيده على راسه ويقول من انجيل معلمنا لوقا البشير بركاته علينا آمين: وعند غروب الشمس كان كل الذين عندهم مرضى بكل نوع يقدمونـهم إليه فيضع يديه على كل واحد فيشفيه.

+ وبعدين ياخد من انجيل معلمنا متى الرسول ويقول: إن السيد المسيح قال لتلاميذه: أشفوا مرضى، طهروا برصاً، أقيموا موتى، أخرجوا شياطين، مجاناً أخذتم مجاناً أعطوا.

فبيقول آيات وبيتكلم بجدّيه وبعدين يمسك المريض ويصلّى عليه، صلاة خاصة من عنده، صلاة خاصة بالمريض ويرشمه بكل هدوء ويقول له دعوة طيّبة. الناس يعرفون تماماً إذا كان الكاهن بيقوم بعمل روحانى رعوى جدّى ولا … أهو أداء واجب وبس. وأيضاً يسأل أهله ويسأل الأطباء عن حالة المريض وما يلزم له ولو فى مجال خاص يعنى مش ضرورى قصاده. أنا شخصياً عندما أذهب إلى مستشفى لزيارة مريض أعتبر نفسى ملك لجميع المرضى اللى فى المستشفى. يعنى بأزور المريض اللى رايح له، يجينى فلان يقول لى أرجوك عندى مريض فى حجرة 303 أروح 303، واحد يقول عندى مريض فى 515 أروح 515، فى227 أروح 227. فى كله. لئلا أنت تزور مريض والناس يفتكروا أن أنت بس بتاع المريض دا وما بتهتمش بالباقيين … إذا زرت مستشفى أى مريض يطلب منك … تروح له، وأى مريض تعرف أن هو موجود فى المستشفى … تروح له.

(2) وممكن زيارة المريض فى البيوت. فى المستشفى أو فى البيوت. وممكن تعمل ما تستطيع إذا كان غير قادر على الصرف. تشوف تجمع له وتصرف عليه، إذا كان محتاج لدواء تجيبه له. فى بعض البلاد توجد عناية بالمرضى أكثر من كدا. فيه بعض المؤسسات، يعنى تصوروا بعض المؤسسات العلمانية التى تقوم بالعناية بالمرضى … زى الصليب الأحمر وعندنا فى مصر فيه الهلال الأحمر برضه، أو جمعيات الأسعاف وكلها بتقوم بواجب لا تميز فيه بين واحد وآخر. فى بعض المستشفيات فى الخارج يكون فيه صندوق لشخص معين، صندوق مالى، يعنى المريض فى حجرة رقم 504، اللى عايز يدفع له حاجة، يروح هناك ويدفع له … وينضم لحساب هذا المريض فى المستشفى. وجايز ناس يعرفوا أن هو غير قادر تلاقى ناس كتير يروحوا. وجايز لما يدّوا له فى إيده … ربما بيتكسف. لكن همّا يحطّوا فى الرقم الخاص بيه فى المستشفى، وجايز تُجمع أموال كثيرة من أجل هذا المريض. قال لى أحد الشمامسه نقلاً عن المعلم ميخائيل بتاع زمان. أن الميت لما بياخدوا بساط الرحمة قصاده، وأربعة من الأراخنة الكبار شايلين، كان ساعات الميت دا يكون مديون، أو عائلته، يعنى مديون بفلوس كتيرة، فكان بساط الرحمة دا لكل من يدفع فيه ليه، والناس الأراخنة دول يدفعوا الأول وبعدين يتبعهم ناس تانيين وتتكون كومة كبيرة لصالح هذا الميت. مش على رأى المثل: موت وخراب ديار. لا دول بيتكفلوا بتكاليفه. وزى ما العروسه الجديدة بينقطوها فى يوم الصباحية، والنقطة دى بتعوضهم بفلوس عن تكاليف الفرح اللى جايز كانوا أستلفوا ليها، برضه الميت بيجمعوا له. ممكن أن الكاهن يجمع أيضاً لأسرة الذين انتقلوا من عالمنا الفانى وللناس اللى يكونوا محتاجين فى الوقت الحاضر. فيه أمراض متعبة جداً وتكاليفها فوق مستوى أى انفاق، زى أمراض الفشل الكلوى وأمراض الفشل الكبدى وأمراض السرطان. هذه الأمراض كلها تكاليفها بالآلاف وعشرات الآلاف وربما بمئات الآلاف. أحنا نشكر جمعية الرجاء اللى بيشرف عليها الأستاذ الدكتور … اللى بينفقوا على ناس زى دول ربما ساعات الانفاق فى السنة بيبقى … ، … ، سنة 1996 ….

كان أتكلم الدكتور … برضه على موضوع روحى من هذا النوع ونشرنا ليه مقال فى جريدة الكرازة عن العناية بالناس الذين على شفا الموت، يعنى موتـهم قريب وكيف يعتنون بـهم فى الأيام الأخيرة الباقية لهم أو الشهور الأخيرة الباقية لهم. مسائل عايزه إهتمام كبير، طبعاً وعايزه صلاة كتيرة وعايزه عرضها على ربنا فى قداسات وفى أصوام والكاهن مسئول عن كل هذا:

1. مسئول أنه يصلّى من أجل هؤلاء المرضى.
2. ومسئول أنه يزورهم فى بيوتـهم أو فى المستشفيات.
3. ومسئول على الأقل أن يجمع لهم ما يستطيعه للإنفاق عليهم.

+ تذكروا أن أحنا بنذكر المرضى فى أوشية الإنجيل وبنذكر المرضى أثناء تقديم الحمل فى صلوات سرية، وبنذكرهم برضه فى صلوات التسبحة.

+ المرضى يحتاجون منّا إلى عناية، عناية معينة، يكون فيها نوع من الجدّية. نعتنى بـهم صحياً كما ذكرنا، ونعتنى بـهم روحياً لأنـهم يرجون رحمه الله ومستعدون للعمل الروحى، ونـهتم بـهم مالياً فى أجرة الإنفاق عليهم. ونـهتم بعائلاتـهم … العائلات المسكينة التى تبذل كل شئ حتى لا يبقى شئ معها من أجل المريض.

+ شغل العظات دا سهل ما بنتكلفش فيه غير قراية كلمتين ولا تحضير … يعنى … سهل، وشغل القداديس سهل، وشغل الإفتقاد سهل. لكن دا الشغل الصعب … أصعب من العناية بالفقراء. العناية بالفقراء ربما تتكلف أقل بكثير … بكثير من هذا الأمر، لكن العناية بالمرضى أمر مهم. يعنى مش لما نزور بلد نـهتم بالذين يقيمون لنا الحفلات، ويقومون بالواجب والأستقبالات، إنما فلنبحث عن من هو مريض فيها لكى نـهتم به. وحينما نـهتم بالمريض إنما نـهتم بالمسيح نفسه الذى قال: كنت مريضاً فزرتمونى والذى قال مهما فعلتموه بأحد أخوتى الأصاغر فبى قد فعلتم.

+ ياريت أيضاً يكون عندنا وعى من جهة توعية الناس للحرص والوقاية من بعض الأمراض. يعنى كثير مثلاً من الناس اللى عندهم شلل أطفال ما لقوش حد ينصحهم بأنـهم يحصّنوا أطفالهم من شلل الأطفال فى الفترة المعينة. دلوقتى الدولة ياما بتعمل اعلانات عن هذا الأمر، وانتوا برضه لما تعمدوا طفل تبقوا تقولوا لأمه ما تنسوش تدّوا له التحصين اللازم من أجل مرض كذا وكذا وكذا. وياريت يكون عندنا فى المعمودية ورقة لمواعيد التحصين نديه لكل أم علشان تحصن أبنها. تحصّنه ضد الجدرى، وضد شلل الأطفال، وضد بعض الأمراض المشهورة … فبرضه أحنا نـهتم بصحة الناس لأنـهم أمانة فى أعناقنا.

+ من ضمن الإهتمام بالصحة، الإهتمام بصحة الحبالى والمرضعات. ساعات الآباء بيكونوا قساة جداً فى فرض أصوام ثقيلة على الحبالى والمرضعات. ياريت نكون مهتمين بالناحية دى وما يكونش عندنا القسوة الشديدة. على الأقل اللى ما تقدرش تاخد لبن ممكن يدوها فول الصويا وفيه كل مركبات اللبن تقريباً. يعنى فيه الأحماض الأمينية الرئيسية اللى مش موجودة فى باقى البروتينات … ساعات ييجوا لنا فقراء وست شايله عيل صغيّر باين على هذه السيدة الشحوب والهزال والضعف وابنها مثلها، وأحنا يدوبك نديها الشهرية العادية أو ما نديهاش، ومانـهتمش أنـها شايله عيل فيه هذه الصفات. ياريت بتوع بشنونه و … يهتموا بالفقراء والعيانين. وما يكونش الإيراد لنا والمرض لهم وإنما كله يمشى مع بعضه. أكنزوا لكم كنوزاً فى السماء الكنوز اللى فى السماء مش بس العناية بالفقراء … العناية أيضاً بالمرضى. أفتكر لما كنت فى الإسكندرية الأسبوع الأسبق وجات واحدة ست بنديها المساعدة العادية يعنى وبعدين لقيتها قايمه وشها أصفر وحالتها تعبانة قوى، فقلت لها فكرينى الأسبوع الجاى أجيب لك علبة دواء تقوية. ياريت الكاهن وهو بيدى الفقراء يلاحظ إيه الهزال اللى عند بعضهم، واللى بعض وجهه شاحب أو وشه أصفر أو باين كدا فى عينيه أو جسمه المرض أو الهزال.

+ فى بعض الحالات التى كانت تاتى لينا من الفقراء كانوا يطلبون سكناً، لأنـهم ساكنين فى البدروم وتحت الأرض وفى حجرة لا شمس فيها ولا هواء … ومرض. وكان لابد أن ننقلهم من هذا المسكن إلى مسكن آخر صحى. ما يجيش الكاهن يقول ما هو كتر خير ربنا ما أهم ساكنين وبس، لا مش ساكنين وبس، دول ساكنين ومرض، وساكنين وما فيش شمس ولا تـهوية ورطوبة ويحتاجوا أنـهم يسكنوا سكن كويس.

+ ساعات بقى الأب الكاهن فى إهتمامه بالمرضى يحمّل العبئ كله لبعض الأطباء وبعض الصيادلة، وبكل ثقل على الطبيب دا والصيدلى دا لغاية ما يطفشوا منه. يعنى مرة للدكتور دا ومرة لدا، مش كل حملك على طبيب واحد لغاية لما يزهق أو مش كل حملك على صيدلى واحد لغاية لما إيه ؟ يزهق. أو أن أنكسف تبعت كارتات لنفس الطبيب أو لنفس الصيدلى.

+ ياريت برضه أن أحنا نتّصل بالأطباء اللى عندهم أدوية زايدة أو صيدلية زايدة ونعمل عندنا تبع الكنيسة، أو بعض الكنائس الكبيرة، نعمل مستوصف صغيّر، يعنى حاجات من الحاجات البسيطة، الأدوية اللى تستعمل يعنى بصفات مستمرة … إلى آخره، وخصوصاً حالياً عندنا كثير من الآباء الكهنة كانوا أطباء وكثير من اللآباء الأساقفة كانوا أطباء، نشوف إيه اللى ممكن يتعمل لهذا الأمر.

+ مع الحنو اللازم على هؤلاء المساكين، مع الحنو اللازم على إيه ؟ هؤلاء المساكين سواء المرضى أو المحتاجين (الكاهن والناحية الثقافية، الكاهن ورعاية المرضى 24/02، 03/03/1997).