س: واحد بيقول هل للتدخين، التدخين smoking يعنى هل ليه تأثير فى تكوين شخصية الإنسان ؟ وهل هو تأثير سلبى أم إيجابى ؟

ج: أولاً الإنسان اللى بيدخّن سجاير.. اللى بيدخّن سجاير إنسان ضعيف الإرادة مستعبد  للسيجارة، يبقى شخصيته ضعيفة مهما قال.. لو شاطر يورينا شطارته فى أنه يبطّل السجاير. لو عنده إرادة قوية يورينا قوة إرادته فى أنه يبطّل السجاير. فتقول هل ليها تأثير على الشخصية ؟ طبعاً.. إرادة ضعيفة، معاها صحة ضعيفة. لأن السجاير بتتلف الصحة. لكن فيه شبان صغيرين يفتكر يعنى الولد لما يحط سيجارة فى بقه وينفخها كدا بقى راجل.. لأ ما بقاش راجل.. بقى راجل ضعيف يعنى لما ينفخ السيجارة.. دى قوة شخصية.. دا أستعباد.. مستعبد للسيجارة. أوعى تمشى مع ناس بتوع سجاير يحاولوا إنـهم يبرروا نفسهم بإن دى قوة شخصية. لأ مش قوة شخصية.. دا ضعف (مفهوم الوداعة 28/07/1993).